現年68歲的資深演員劉永出身邵氏，八十年代憑亞視劇集《秦始皇》中秦王嬴政一角，在中港兩地爆紅。他先後經歷兩段婚姻。第二任太太是亞姐冠軍出身的黎燕珊，他們於92年結婚，2004年離婚肓有一子一女。07年他跟年輕30年的中國女子黃麗燕結婚，兩名兒子分別是12歲及8歲，在港升學。今日有雜誌報導劉永跟中國妻分開，他將賣掉中山的房產所得，分一半與前妻，為保有兒子的撫養權。
目前身在深圳公司的劉永接受訪問時承認跟妻子分開，他說︰「係吖，男人係咁啦，努力奮鬥。而家生存為兩個仔啫，咩都唔使諗。囝囝係香港讀書，日日接送佢哋放學，一陣咪趕返嚟。」兩名兒子讀國際學校，單是學費每月就要兩萬元，問到支出是否很大時，他沒有正面回答︰「咁都係咁啦，男人。唔係點呀，冇辦法。中山花園係賣咗，畀一半佢？人哋同你生咗兩個小朋友。都唔係嘅，佢都係兩個仔嘅媽咪，又唔係乜嘢。」至於有否辦理離婚手續，他有點支吾以對說︰「冇離婚，離咩婚啫。啲仔有媽咪㗎嘛，佢有佢嘅生活，我睇住啲仔，兩個仔鍾意同我一齊。」
雖然沒有承認離婚，只話雙方分開，但劉永不時又以「前妻」稱呼對方。據知，他跟前妻於今年初開始出現問題，到年中已分開生活，女方沉醉影視工作。不過劉永跟黃麗燕不時會見面，在他的微博仍經常貼出二人出席公開場合及飯聚的照片，外人很難看出端倪。目前劉永已在上水找到居所，方便返回深圳的製作公司開工，擔任電影、劇集監制及策劃。他透露想多點留在港拍戲，方便照顧一對兒子，他說︰「希望香港有發展，搵我做幕前幕後都可以，邊個位都得啦，做咗幾十年。」
劉永講到三段婚姻，他慨嘆在感情上對黎燕珊有虧欠，他說︰「如果我感情欠人嘅，呢世只有一個女人，呢個女人就係黎燕珊。佢係一位好媽咪、好女人。」他表示雙方關係很好，一直有聯絡過年都會相約飲茶。
(資料來源：網上截圖/連結)
