警方連月行動被批評濫暴濫捕，6月初至今超過2,300人在反送中運動被捕，更有12歲小朋友因蒙面惡法被捕；警員執行職務又揚言不需要展示委任證」，敵視所有視線範圍內的市民。近日警民衝突後各區交通燈被破壞，即使出現交通混亂，依然不見警方派人到場指揮，正中早前網民改歌「呀，死黑警，又唔做野，又唔讀書，呀」。
近日有人就自願穿起反光背心，在十字路口中指揮交通，今日傳媒就在亞皆老街及彌敦道十字路口見到王喜在指揮交通。當時王喜沒有反光背心，只穿上黑衫黑褲在車群中指揮，有途人送上清水，亦有人圍觀打氣。
對於今午在旺角指揮交通，王喜先以短訊回應傳媒說：「將皇家香港警察給我的訓練，用來服務香港。」之後再在電話訪問中說：「頭先經過，其實交通燈壞咗幾日，冇人指揮交通，嗰度係繁忙交通道路，一路冇人處理，咪自己處理囉。咁啲司機都好有禮貌，所以冇交通事故發生。」問為何不穿上反光衣如此危險？王喜說：「其實初時我係見到個後生仔喺度指揮交通，一路好多市民送水、送口罩畀佢，我估佢手上邊攞住件反光衣都係熱心市民送畀佢。但好遺憾，我來不及接過嗰件反光衣，佢已經俾差人夾咗佢去後巷，我就放低我工作，睇佢究竟乜事，差人抄低佢身份證，話指揮交通係交通警嘅工作，佢咁做危險，個後生仔接受勸告。」問警察有否抄他身份證及向他查問時，王喜說：「咁又冇，我只係企喺度全程觀察住個小朋友被盤問過程。」
記者隨後再又附近遇見王喜，他再解釋：「我係經過，嗰個十字路口好多人又塞，龍尾會頂到窩打老道。我當時見到有個年輕人，不過佢冇受過訓練，好似有啲險象環生，我就幫手指揮咗一輪。」正如剛才所說指揮交通有一定危險：他說：「我只能夠真誠相信，香港路面使用者會對住服務香港嘅人抱善待心態，唔會踩油撞我，唔會校低窗鬧我。」
(資料來源：網上截圖/連結)
