反送中運動持續至今已經超過4個月，面對政府漠視民間的五大訴求、防暴警的催淚彈，甚至橡膠子彈攻擊，雖然有不少人受傷被捕，甚至因為政見不同而與家人、朋友關係決裂，但仍然有不少年青人為了香港的未來走到前線，當中還有不少醫護人員，又或者有持急救證書的人，到前線示威者急救護理。江華和麥潔文的兒子陳耀淙（Bryan）日前接受傳媒專訪坦言出於良知而自發行出來救人：「我出來的目的不是上戰線，與當權者鬥爭，做些逆權行為。我只是看不過眼有些市民承受不應該是他們受的傷，有些執法者正在做不應該做的事，我作為一個護士、醫護人員我做到甚麼？我便出去奉獻自己。」
對於兒子Bryan以醫護人員身份，曾在8.31當晚走到街上救人，昨晚在旺角舉行演唱會的麥潔文，完騷後被問到此事，她說：「佢唔係成日去，去一次、兩次，其實我唔知㗎！」會否擔心他的安全？她說：「我又唔擔心，佢都咁大個人，佢做嘢自己負番責任囉，如果佢講畀我聽，我都會叫佢唔好去，因為實在係危險，而且好踩界，一係呢邊，一係嗰邊，你冇得走㗎，好麻煩！」
不過Bryan曾經在訪問上提到，他與媽媽的政見不同，但未有因此而吵架，Kitman說：「其實我哋有傾，大家唔會企硬，佢都好識尊重，我哋亦好尊重佢，因為佢都大個仔。」會否以兒子有一份幫人救人的精神為榮？她說：「其實佢做護士，曾經講過希望做戰地嘅時候係不分國籍，不分國界，佢有咁嘅志向係好，好多人係需要我哋幫助，我係好尊重做醫護嘅人，所以唔只我個仔，好多香港醫護人員，我都尊重。」至於Bryan為何未有現身，Kitman則表示因他要工作，所以未能到場欣賞。
(資料來源：網上截圖/連結)
