馬蹄露早前在旺角和黑衣人起衝突，結果被噴紅油及嘴角受傷流血，事後瞬間成為愛國同胞的擁戴對象。馬蹄露過去多次發表撐警言論，絕對是一名「深藍」人物。至於跟她感情要好的姪兒、YouTuber馬米高，就疑似是「藍黃」，早前在禁蒙面法通過後，曾經在IG拍片寸嘴講感受，又留言：「蒙面法嘅最大受害者，如果我今晚出街畀好多人圍住要簽名、影相同俾狂粉摸甩咗粒守宮沙嘅話，我就唯你是問。」
自「逆權運動」發生後，導致一些抱不同政見的朋友及家人反面，今日凌晨馬米高在IG貼出童年時和馬蹄露的舊照片，寫下：「好多謝大家嘅問候，一切在心中。同屋企人意見分歧係一件正常不過嘅事。無論如何，屋企人有事我都會喺佢哋身邊，好似佢哋會無條件照顧我一樣，以前係咁，而家都係。」
最近嘅事情，我接收到好多唔同嘅聲音同資訊，當刻我有好多好多嘢想講、想回應，但我更加覺得係而家社會咁亂嘅情況之下，我更加需要冷靜，靜落嚟等自己去沉澱一下。到咗呢一刻，我只係想講：屋企人對我來講好重要。For me, family comes first. It always did and it always will.」
(資料來源：網上截圖/連結)
