曾表態撐警的無綫藝員馬蹄露，今日傍晚6時許現身旺角，戴黑色cap帽的嘴角血流如注，頸部和Ｔ恤的胸前都沾滿血漬，滿面驚惶。
新聞畫面中見到，馬蹄露與人口角、左耳背流血，片段中聽到她與示威者口角，並互相指罵，其間她說：「我有打人？」、「過嚟吖！」據現場人士表示，當時馬蹄露在現場拍照時，疑引起不滿，其間被黑衣人襲擊，後尾枕受傷，身邊有男士即護駕。
被打後的馬蹄露，表現驚慌，更多番哀求在場身穿的「Press」的外籍男記者陪她去警署，最後她由一名女士及該外籍男記者陪伴下，她邊喊邊行去旺角警署報警。不過因旺角警署已關閉，故有人在門口大叫「阿sir有人受傷」，而一直拖實外籍記者的她，看似心情仍未平伏地說：「佢哋喺度毀爛中國銀行嘅櫃員機，我影佢哋，跟住佢哋就衝嚟打我，搶咗我個電話，我一路追住佢哋，跟住我搵番佢哋再影，點知佢哋又打我，我影咗佢哋相。」有記者問她拿回電話了沒有，她說：「我攞番，但爛咗。」之後警署開門，馬蹄露馬上走入警署，此時外籍記者鬆開手，馬卻大叫：「come with me.」然後再拖着該記者進警署。
記者聯絡馬蹄露，但未獲回覆。記者致電馬蹄露好友嚴淑明，未問及馬蹄露情況，她已邊喊邊說：「好憤怒，唔係顏色問題，係唔應該打人，佢（馬蹄露）又唔聽我哋講，叫佢唔好出去，佢係都要去。」問馬蹄露現況，嚴淑明說：「冇事冇事。我而家都落唔到去搵佢，我個朋友打咗畀個警司朋友，搵人陪佢離開現場去咗旺角警署，總之而家唔係顏色問題，打人真係唔啱，我好憤怒憤怒。」
51歲的馬蹄露多次在社交網發表撐警言論，甚至將市民的五大訴求扭曲，把示威者比喻成「垃圾」，她發文指：「垃圾要求回應、否則圍你：1/爭取垃圾通街有，2/要求撤回垃圾分類，3/撤回定性我係垃圾，4/要求道歉。」馬蹄露昨晚亦貼上鴉片戰爭歷史，指香港原本就是中國的地方，又反問：「豈能認賊作父？」
(資料來源：網上截圖/連結)
