41歲媽媽楊思琦大肚！有傳媒拍攝到思琦腹部隆起，腰板硬直，孕味甚濃。當日思琦着黑色鬆身裙，戴cap帽和黑超遮素顏，十分低調，她拖着囡囡到快餐店食早餐，同行還有楊媽媽。消息指思琦因腰患關係，於8月中到將軍澳醫院睇街症，怎知在檢驗期間，才知疑有懷孕跡象。
對於被傳懷孕，楊思琦在電話回覆傳媒承認大肚：「好開心，因為之前怕小器，唔方便講，而家係時候向大家公佈好消息，今年年中同圈外男友喺外地結咗婚，有BB係計劃之中，自己一直鍾意小朋友，囡囡都好開心知道做家姐。」
問到老公是否之前曾傳緋聞的高健行？思琦澄清：「唔係，嗰個係傳聞，老公係朋友介紹。」思琦表示很開心搵到Mr.Right，不過，對於現懷孕幾多個月？老公姓氏？他是否大陸人？一切資料都不願透露：「佢係圈外人，唔想講太多。」
身為01年港姐冠軍的楊思琦，入行後戀上李家鼎兒子李泳豪，兩人愛情長跑9年，惟11年思琦被爆暗撻「空心老倌」吳帥，更珠胎暗結，跟李泳豪玩完。12年思琦停工遠赴美國未婚產女，誕下女兒楊卓穎，生完女後與吳帥割席，獨自湊大囡囡，女兒現已7歲。
成為單親媽咪後，因為形象跌落谷底，楊思琦努力賺錢養大囡囡，甚少傳出緋聞，直至4年前傳出跟人夫高健行過從甚密，對方從事金融業，當時手執泓景臺及清水灣半島兩個單位的楊思琦，忽然富貴出入坐70多萬新車，更有司機服侍。
近月楊思琦都有貼相更新微博，但已改着鬆身衫遮肚，有網民於9月27日在首爾街頭偶遇楊思琦，明顯見到她的腹部似隆起，惟楊思琦貼同一件衫的相片上微博，「大肚」卻突然失蹤了，不知是否p圖執靚呢！而5日前思琦在微博貼新相和短片，原來去了湖北的襄陽出席活動，着紅黑橫間鬆身衫的她遮掩了身材，但其中一張相卻「失手」，在腰間摺起了似肚凸凸。
(資料來源：網上截圖/連結)
