姜大衞和李琳琳細仔姜卓文（細John）近日有份參加ViuTV《全民造星II》，雖然細John出身演藝世家，但未有獲優待，最終50強已止步。
今晚《造星II》細John首度出場，他在自我介紹短片中說：「之前都拍過吓嘢，我阿媽就話我未算入咗行，我而家喺個門口敲緊門，希望做完呢次比賽之後可以當自己正式入咗行囉。」他並強調不想靠家人入行，希望是靠自己實力和努力。
今晚細John在節目中表演唱歌加Rap，最終評判王貽興和《逆流大叔》導演陳詠燊給他紅燈，要進入復活賽定生死，而王貽興還不留情面勁彈細John說：「你着埋Joker件褸，但成事件又唔playful，又唔crazy又唔型，我哋已經冇理會你任何background，齋從你表演去睇嘅時候，其實係有一啲咁樣嘅嘢，如果大家了解你背景之後，會對你更加harsh嘅時候，如果你預備行呢行，以你屋企人嘅背景，你做100分，啲人當你70分咋，所以你唔做夠130分時，我哋好難畀90分你。呢個係你嘅優勢，亦都係你嘅劣勢。」細John表示感謝：「我都好想多謝你哋，你哋冇用到我阿爸嘅身份嚟評我，我一路都唔想有呢啲唔公平嘅事發生，我都係佢哋（造星）一分子，所以好感激同多謝。」
此外，64號洪助昇（Aiden）跟姜濤一樣，讀書時是肥仔一名，而他被花姐問有沒有拍拖時，現年23歲的他竟表示有追求過女仔，但不成功，所以從沒拍過拖，花姐笑指他還勁過姜濤，莫非23歲的他仍是處男？
(資料來源：網上截圖/連結)
