《衰仔樂園》（South Park）最新一季被大陸封殺，事緣劇情嘲諷中國沒人權，同時寸迪士尼為了中國市場毫無腰骨，今日《衰仔樂園》兩位製作人Trey Parker與Matt Stone向中國正式「道歉」，在文中指他們跟NBA一樣，歡迎中國式審查，揚言要錢不要自由，又指習主席完全不像小熊維尼，叫fans於當地時間周三晚間10點繼續收睇第300集動畫，又祝中國共產黨萬歲，最後加一句「我們這樣算和好了嗎，中國」！
文中句句有骨落地，令一眾喜愛《衰仔樂園》的網民很開心，紛紛回覆「寸到應一應」、「睇你標題仲嚇到離一離，心諗睇咗咁耐《South Park》冇可能會跪喎」、「睇頭幾句已經笑咗」、「內容冇一句係道歉」、「以為真係跪咗」，許多網民表示仍然支持《衰仔樂園》。
《衰仔樂園》其中一集《Band in China》主要分為兩個故事線，其中一個是在美國種植大麻的Randy望China擴展市場，一落機即被捕兼押送至勞改集中營，他發現小熊維尼及豬仔也因「外貌」被困於獄中，而Stan則成立重金屬樂隊，經理人叫他們拍搖滾紀錄片，望衝出《South Park》到China發展，不過他們的歌詞及風格不斷「被指導」，Stan最後覺醒，自己不能因賺錢而出賣靈魂；這一集播出後，《衰仔樂園》正式在中國市場「壽終正寢」，全套動畫被大陸全面封殺。
(資料來源：網上截圖/連結)
